Памёр палітолаг Уладзімір Роўда
Ва ўзросце 65 гадоў памёр вядомы беларускі палітолаг, кандыдат філасофскіх навук Уладзімір Роўда.
Прычыны смерці пакуль невядомыя, піша Беларускі Партызан.
Развітанне з Уладзімірам Роўдам адбудзецца ў Менску 17 сакавіка па адрасе: Даўгінаўскі тракт, 160А/1 з 11.00 да 12.00.
Уладзімір Роўда нарадзіўся ў 1955 годзе. Ён быў палітолагам, кандыдатам філасофскіх навук, выкладчыкам магістарскай праграмы «Публічная палітыка» ў Еўрапейскім гуманітарным універсітэце (Вільня), кіраваў беларускім Аналітычным цэнтрам.
З’яўляўся аўтарам шэрагу даследчых і вучэбна-метадычных работ. У прыватнасці, быў аўтарам навучальнага дапаможніка «Параўнальная паліталогія» ў трох частках, прысвечанага аналізу важнейшых тэарэтычных паняткаў гэтай навукі.
