Пандэмія каронавірусу – сітуацыя на вечар 31 сакавіка
За апошнія суткі сітуацыя з заражэннем COVID-19 у свеце паводле розных інфармацыйных рэсурсаў істотна не змянілася. Зноў адзначаны рост людзей, якія заразіліся каронавірусам. Цэлы час расце і колькасць людзей, якія у выніку заражэння паміраюць. Пра гэта паведамляе рэсурс Worldometer. Беларускае Радыё Рацыя падае статыстыку з гэтага спецыялізаванага сайту і не можа адказваць за дакладнасць лічбаў. Зразумела, што тут улічаны далёка не ўсе выпадкі лятальнага зыходу, а статыстыка ва ўмовах пандэміі ўвогуле не можа быць дакладнай.
Найбольш цяжкая сітуацыя па-ранейшаму ў Італіі, Іспаніі і Францыі. У Італіі за апошнія суткі памерлі 837 чалавек (за папярэдні дзень 812), у Іспаніі – 553 (дзень таму 537).
Колькасць выяўленых інфікаваных COVID-19 па ўсім свеце цэлы час расце і на вечар 31 сакавіка складае ўжо 835 892 чалавекі. 174 454 чалавекі вылечылася. А памерла па ўсім свеце 41 234 чалавекі.
Больш 176 тысяч выяўленых хворых у ЗША, гэтая дзяржава трымаецца на сумным першым месцы. У Італіі больш 105 тысячы заражаных, у Іспаніі – больш 94 тысяч, у Кітаі – больш 81,5 тысяч, але гэтая колькасць амаль не расце. Больш 68 тысяч выяўленых хворых у Германіі, больш 52 тысяч – у Францыі, больш 44 тысяч – у Іране, больш 25 тысяч – у Вялікабрытаніі, больш 16 тысяч – у Швайцарыі, больш 12,5 тысяч – у Бельгіі і Нідэрляндах, у Турцыі – амаль 11 тысяч, у Аўстрыі – больш 10 тысяч хворых.
Усяго на планеце ўжо 32 краіны, дзе колькасць захварэўшых перавысіла 2 тысячы чалавек. Яшчэ ў 13 дзяржавах яна перавысіла тысячу чалавек.
Агульная колькасць ахвяраў каронавірусу ў свеце дасягнула 41 234 чалавекі, за апошнія суткі памерла 3 466 чалавек (за папярэднія суткі 2 798 чалавек). Але колькасць ахвяраў расце не ў геаметрычнай прагрэсіі, а лінейна.
Найбольш памерлых за ўвесь час зафіксавана ў Італіі – 12 428 чалавек.
Далей у гэтай сумнай статыстыцы ідуць:
Іспанія – 8 269.
Францыя – 3 523 (499 памерлых за суткі, Францыя апярэдзіла Кітай);
ЗША – 3 431 (за апошнія суткі ЗША апярэдзілі па колькасці смерцяў Кітай і Іран)
Кітай – 3 305
Іран – 2 898
Вялікабрытанія – 1 789
Нідэрлянды – 1 039
Бельгія – 705 (рэзкі рост памерлых за суткі)
Германія – 682
Швайцарыя – 395
Паводле афіцыйных звестак сітуацыя ў суседніх з Беларуссю краінах наступная:
Расея – 2 237 – афіцыйна 17 смерцяў;
Польшча – 2 215 інфікаваных – 32 чалавекі памерлі;
Украіна – 549 – памерла 13 чалавек.
Літва – 537 – 8 смяротных выпадкаў;
Латвія – 398 – смяротных выпадкаў не зафіксавана;
Паводле апошніх афіцыйных звестак у Беларусі 152 захварэўшыя, 1 чалавек памёр.
Беларускае Радыё Рацыя
