Паветраныя экскурсіі ад ТАА “Пружаны Авіяхімсервіс”
Незвычайныя экскурсіі прапануе жыхарам і гасцям горада ТАА “Пружаны Авіяхімсервіс”. Прадпрыемства займаецца авіяцыйнай хімізацыяй сельскагаспадарчых палеткаў. У вольны ад аграрных работ сезон таварыства ажыццяўляе турыстычныя паслугі. Колькі каштуе паветраная экскурсія над Беларуссю, высвятляла наша карэспандэнтка Ярына Троіцкая:
–На сённяшні дзень распрацаваны два экскурсійныя маршруты. Асаблівай папулярнасцю ў турыстычным асяродку карыстаецца верталётная вандроўка “Замкі Беларусі”. Яна ўключае агляд Ружанскага, Косаўскага, Мірскага і Нясвіжскага замкаў. Акрамя гэтага з вышыні птушынага палёту можна ацаніць прыгажосць Белавежскай пушчы.
Кошт такіх экскурсій вагаецца ў залежнасці ад кольскасці пасажыраў. Калі назбіраецца кампанія з 4 чалавек, то кожны заплаціць за палёт 150 даляраў.
Беларускае Радыё Рацыя, Пружаны
Фота tetour.by
