Перамовы баранавіцкіх прадпрымальнікаў з мясцовымі ўладамі
На Баранавіцкім рынку адбыўся сход прадпрымальнікаў з удзелам адміністрацыі горада і прадстаўнікоў берасцейскіх абласных уладаў.
На сход запрасілі толькі тых, хто падпісваў зварот у падтрымку полацкіх прадпрымальнікаў і наконт мараторыя на ўказ прэзідэнта № 222, паводле якога можна канфіскаваць тавар без сертыфікату.
29 з іх ужо праверыла падатковая інспекцыя.
Сход пачаўся з перапісу тых, хто падпісваў.
Таму 12 чалавек з 32 падпісантаў паспяшаліся публічна адмежавацца:
Прадстаўнік адміністрацыі:
— Я адразу ўсіх запішу, што прысутнічалі такія вось прадпрымальнікі і далей будзем абмяркоўваць усе вашы пытанні і праблемы.
Чарнавус Мікалай Дзмітрыевіч напісаў зварот, вы чыталі?
Жанчыны:
— Мы нічога не чыталі.
— Я не чытала, бо прыйшоў пусты ліст.
Прадстаўнік адміністрацыі:
— Я зразумеў, але мне трэба зафіксаваць факт, колькі чалавек сапраўды прачыталі і падпісалі гэты дакумент. Таму, прашу падняць рукі, хто не бачыў, але падпісаў.
Жанчына:
— Ніхто гэтага не чытае ад пачатку да канца. Нам прыйшлі і сказалі: гэта ў падтрымку таго і таго, мы і падпісалі.
— А што, калі нам патрэбная каналізацыя?
Нягледзячы на адмову дванаццаці чалавек, кіраўніцтва абяцала вырашыць шматлікія праблемы, пастаўленыя ў звароце.
Поўны рэпартаж слухайце ў далучаным файле.
Беларускае Радыё Рацыя, Баранавічы
Глядзіце таксама
