Першы беларускі горад увёў абмежаванні для невакцынаваных
У Бабруйску дазволяць доступ у забаўляльныя ўстановы толькі па COVID-пашпартах і ПЦР-тэстах, паведамляе мясцовы гарвыканкам.
Цяпер у горадзе прыходзіць у начныя клубы, казіно, бары і іншыя забаўляльныя ўстановы, якія працуюць з 23.00 да 08.00, дазваляецца толькі пры наяўнасці сертыфіката аб праходжанні поўнага курсу вакцынацыі супраць COVID-19 або даведкі аб адмоўным ПЦР-тэсце.
Новаўвядзенні датычаць як наведвальнікаў, так і работнікаў, а самі сертыфікаты і даведкі можна прад’яўляць у электронным або папяровым выглядзе.
Калі ўстановы не будуць праводзіць праверкі, іх працу могуць абмежаваць.
Фота: rusnomad.com
