Пінскія ўлады праз улёткі звярнуліся да грамадзян
У Пінску мясцовыя ўлады праз улёткі звярнуліся да грамадзян. Абвесткі расклееныя пры ўваходзе ў пад’езды шматпавярховікаў.
Падрабязанасці перадае наш карэспандэнт Пятро Савіч:
– Ва ўлётках Пінскі гарадскі і раённы выканаўчыя камітэты даводзяць інфармацыю, што ў Сеціве з’яўляюцца прызывы да ўдзелу ў несанкцыянаваных мерапрыемствах і масавых беспарадках, якія нясуць пагрозу жыццю і здароўю людзей. Гаворыцца пра намер правакатарамі чыніць пагромы і ставіць пад пагрозу грамадскую бяспеку.
Асабліва пінскія ўлады просяць бацькоў і ўсіх дарослых, каб яны не пускалі на мітынгі дзяцей. Увогуле, пінчукоў заклікаюць устрымацца ад удзелу ў будзь-якіх несанкцыянаваных мерапрыемствах.
Верагодна, што гэта рэакцыя чыноўнікаў на падзеі ў Пінску ў ноч з 9 на 10 жніўня. Тады адбылася сутычка каля будынка гарадскога выканаўчага камітэта паміж пратэстоўцамі і міліцыянтамі.
Беларускае Радыё Рацыя, Пінск
Глядзіце таксама
