Подпісы за надпісы на магілах паўстанцаў па-беларуску зарэгістраваныя
Подпісы грамадзянаў Беларусі, што падпісваліся за тое, каб надпісы на перапахаванні паўстанцаў Каліноўскага ў Вільні былі па-беларуску, зарэгістраваныя Соймам Літвы і канцылярыяй прэзідэнта гэтай краіны.
Пра ініцыятыву распавядае прадстаўнік кампаніі #Kalinouski2019 Сяргей Верамеенка:
– Мы атрымалі адказ электроннай поштай ад Сойму Літвы. Там было напісана, што на наш зварот адрэагавалі. Наш зварот перададзены да прэзідэнта Літвы і ў гістарычную камісію, якая займаецца мерапрыемствамі перапахавання і ўшанавання паўстанцаў. Я рады, што справа ідзе, добра, што на нас рэагуюць. Я думаю, калі ўжо нас заўважылі, калі справа пайшла, то значыць і будзе адказ.
Подпісы ў Гародні збіраліся цягам некалькі месяцаў. Сярод падпісантаў такія вядомыя беларусы як Алесь Дзянісаў, Аляксандр Памідораў і яшчэ амаль дзве сотні жыхароў і гасцей горада.
Беларускае Радыё Рацыя
Глядзіце таксама
