Прадаўцу жлобінскай крамы прысудзілі 1,5 года «хатняй хіміі» за ўдзел у акцыі пратэсту
15 гадоў таму
У судзе Жлобінскага раёну 2 кастрычніка асудзілі Віталя Алтухова паводле ч. 1 арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса.
Суддзя Наталля Качалава прызначыла Віталю адзін год і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»).
Віталя абвінавацілі ва ўдзеле ў акцыі пратэсту 9 жніўня 2020 года ў Жлобіне, выхадзе на праезную частку і перакрыцці руху грамадскага транспарту. Ён цалкам прызнаў віну.
вясна
