Прапаганда працягвае шэльмаванне беларускіх добраахвотнікаў
Прапаганда працягвае актыўнае шэльмаванне беларускіх добраахвотнікаў, што бароняць Украіну, асабліва дастаецца ваярам з палку Каліноўскага. Ужо да абвінавачванняў у нацызме, забойствах рускіх дадалася версія, што нібы галоўная задача “каліноўцаў” напасці на Беларусь, каб зрынуць існуючы палітычны рэжым і пачаць грамадзянскую вайну.
На думку грамадскай дзеяячкі Веранікі Івановай – гэта ўсё псіхалагічны ціск:
– Спроба аказаць у тым ліку ціск на сем’і, патэнцыйных людзей, якія хацелі б далучыцца да палка Каліноўскага – гэта ціск на тых, хто хацеў бы падтрымаць іх тут. Трэба аддаць належнае, што полк Каліноўскага звяртаўся да ваеннаслужачых Беларусі, аб тым, што яны могуць тут і зараз рыхтавацца да яднання з намі і гэта менавіта супрацьдзеяння інфармацыйнай плыні, якая ідзе ад палка.
Суразмоўца дадае, што сілавікі спрабуюць апрацоўваць сваякоў “каліноўцаў”, каб тыя ў эмацыйным стане пачалі ачарняць сваіх жа сыноў, братоў. У некаторых выпадках гэта ўжо атрымоўваецца.
Беларускае Радыё Рацыя
