Пратакол дапрацавалі: дадалі яшчэ адно правапарушэнне
Рыгор Грык раптоўна ў судзе даведаўся, што яго будуць судзіць не толькі за паласатую робу, але і за арганізацыю пікета ў падтрымку Караткевіч.
На трэці дзень судовага працэсу ў Баранавіцкім судзе актывіст Рыгор Грык, ягоны адвакат і ўсе прыйшоўшыя падтрымаць актывіста даведаліся, што да старога пратаколу за лаянку далучаны пратакол за арганізацыю несанкцыянаванага мерапрыемства — пікета ў падтрымку Таццяны Караткевіч падчас выбараў.
«Пэўна, уладам не церпіцца пакараць мяне, як найбольш жорстка», — кажа Рыгор Грык:
— Нават не было дамовы з адвакатам на аб’яднаны працэс. Калі прыгадаць тыя два працэсы, якія былі дагэтуль і як паводзіў сябе суддзя на апошнім, дык зразумела тое, што яны хочуць, па загаду, кагосьці пакараць.
Праваабаронца Сяргей Гоўша лічыць суддзяў Баранавіцкага суда заангажаванымі.
Новы суддзя, Васіль Петрыў, якім замянілі былога Сяргея Данільчыка, не захацеў вярнуць амаль пусты пратакол, складзены ў адсутнасці Грыка, нібы за лаянку ў краме, на дапрацоўку па прычыне зыканчэння тэрміну.
Гэта недапрацоўка суддзяў, кажа Сяргей Гоўша:
— Міліцыя не запоўніла ўсе графы пратакола, а яны вельмі важныя. Аднак, суддзя адхіліў хадайніцтва адваката, бо прайшло 5 дзён. Дык чаму суддзя не завярнуў гэты пратакол назад, бачачы, што ён напісаны з парушэннямі?
Судовае разбіральніцтва працягнецца 27 кастрычніка. Адвакат запатрабаваў часу на падрыхтоўку справы паводле далучанага пратакола і выкліку сведкаў па гэтай справе.
Поўны рэпартаж з месца падзеўя слухайце ў далучаным аўдыёфайле:
Беларускае Радыё Рацыя
Глядзіце таксама
