Пратаколы за збор подпісаў за бел-чырвона-белы сцяг
У Баранавічах хочуць прыцягнуць да адказнасці сяброў руху “За свабоду” Юрыя Казакевіча і Уладзіміра Гундара за збор подпісаў за наданне бел-чырвона-беламу сцягу статусу гістарычнай каштоўнасці.
Праз некалькі дзён пасля акцыі актывісты былі выкліканыя ў Баранавіцкі гарадскі аддзел міліцыі, дзе на іх намеснік начальніка аддзела аховы правапарадку Сяргей Паўленя склаў пратакол. Кажа Юрый Казакевіч:
– Нас вінавацяць у правядзенні несанкцыянаванага масавага мерапрыемства. Таму цяпер нас пераследуюць. Машына працуе па накатанай каляіне: складаюць пратакол, накіроўваюць у суд. З той прычыны, што сёлета мы ўжо праходзілі праз гэтую працэдуру, то зараз мы ўжо будзем праходзіць як рэцыдывісты.
Юрый Казакевіч і Уладзімір Гундар у красавіку бягучага года былі прыцягнуты да адміністрацыйнай адказнасці за віншаванне кветкамі на вуліцы гараджан з Днём Волі – 25 Сакавіка. Яны былі пакараны штрафам у 20 базавых велічынь.
Беларускае Радыё Рацыя
