Пратэсты і затрыманні ў Берасці
14 ліпеня ў Берасці, як і па ўсёй краіне, адбыліся акцыі пратэсту супраць нерэгістрацыі кандыдатамі ў Прэзідэнты Рэспублікі Беларусь Віктара Бабарыка і Валера Цапкала. Берасцейцы выйшлі ў цэнтр горада каб выказаць сваё незадавальненне ў розных формах: ад ланцуга ўздоўж праспекта Машэрава, да воклічаў «Жыве Беларусь!». Адбыліся затрыманні пратэстоўцаў, сярод якіх і журналіст аднаго з рэгіянальных выданняў.
Кажа мясцовы праваабаронца Раман Кісляк:
– Каля 35 чалавек затрымалі, частку ў Кобрын адвезлі. Некаторых адпусцілі без суда. А некаторых адвезлі ў Кобрынскі ІЧУ, будзе суд, хутчэй за ўсё.
РР: Ці вызвалены журналіст «Першага рэгіёну»?
– Пакуль нічога не ведаю.
Абнаўляемы спіс затрыманых за акцыі пратэсту ў Беларусі і ў тым ліку ў Берасці можна паглядзець на сайце незарэгістраванага праваабрончага цэнтра «Вясна».
Беларускае Радыё Рацыя
Фота: tut.by
