Працяг канфлікту вакол Спораўскага возера
Жыхары вёскі Спорава страцілі археалагічны аб’ект, зацверджаны дакументальна 50 гадоў таму – стаянку часоў неаліта на беразе возера Спораўскае.
На гэтым месцы арандатар возера Анатоль Заблоцкі з Баранавічаў пабудаваў катэдж з дазволу раённых уладаў, а пазней і Нацыянальнай акадэміі навук, экспертызу ў якой замовіў і аплаціў сам Заблоцкі.
[Not a valid template]
Жыхары Спорава звярнуліся ў Генеральную пракуратуру, каб праверыць законнасць забудовы, кажа актывіст кампаніі “Гавары праўду” Валянцін Лазарэнкаў:
– Улада сцвярджае, што калі стаіць ахоўная шыльда, але няма квадратуры, на якім ён стаціь, то гэта як бы і “не помнік”: курган можа быць разаараны, забудаваны і нават Курапаты не маюць акрэсленай тэрыторыі, таму могуць быць знесеныя бульдозерам.
Паводле нашага суразмоўцы, паўстагоддзя зямля мела гістарычную каштоўнасць і не забудоўвалася, пакуль не з’явіўся чалавек з вялікімі грашыма. І стаянка раптам “была змыта вадой з возера”.
Цяпер Бярозаўскі райвыканкам, як гаворыцца ў адказе з пракуратуры, хадайнічае, каб выключыць стаянку з Дзяржаўнага спісу гісторыка-культурных каштоўнасцяў.
Беларускае Радыё Рацыя
Глядзіце таксама
