Праваабарончае аб’яднанне “Пакт” не рэгіструюць
Беларускія ўлады працягваюць адмаўляць у рэгістрацыі права-абарончага аб“яднання «Пакт». Яго заснавальнікамі выступаюць Міхаіл Пастухоў і Леанід Судаленка.
Паводле Судаленкі, перашкоды, а таксама адмовы ў разглядзе скаргаў – вымушаюць звяртацца ў Камітэт ААН па правах чалавека:
– Сітуацыя такая – нам Вярхоўны суд адмовіў. Касыцыйнаму абскарджанню гэтае рашэнне не падлягае, таму мы падалі наглядную скаргу на імя старшыні Вярхоўнага суда і адначасова рыхтуем скаргу ў камітэт ААН па правах чалавека.
Як раней паведаміў выканаўчы дырэктар аб’яднання Леанід Судаленка, арганізацыя стваралася дзеля абароны інтарэсаў грамадзянаў, на карысць якіх Камітэт ААН па правах чалавека прыняў і будзе прымаць рашэнні аб парушэнні з боку дзяржавы грамадзянскіх і палітычных правоў.
Міністэрства юстыцыі ў адмове рэгістрацыі аб’яднання спаслалася на недакладнасці ў паданых дакументах.
Антон Разумоўскі, Беларускае Радыё Рацыя
Глядзіце таксама
