Праваабаронцы прызналі палітвязнямі яшчэ чатырох чалавек
Усе чацвёра асуджаныя за паклёп на Лукашэнку.
Палітвязнямі былі прызнаныя:
Павел Чуркін — асуджаны судом Кастрычніцкага раёна Магілёва па артыкуле 368 КК за абразу Лукашэнкі да аднаго года пазбаўлення волі ў калоніі;
Настаўнік Андрэй Пятроўскі — асуджаны судом Смаргонскага раёна Гарадзенскай вобласці па ч. 1 артыкула 367 КК за паклёп на Лукашэнку да аднаго года і шасці месяцаў пазбаўлення волі ў папраўчай калоніі; Андрэя Пятроўскага абвінавацілі ў тым, што ў сакавіку гэтага года ён паказаў 11-класнікам на ўроку грамадазнаўства відэаролік “Конституция ушла в проституцию!” з лагатыпам, які прызнаны ў Беларусі экстрэмісцкім.
Дзмітрый Заломскі з Гомеля асуджаны паводле артыкулаў 369 КК за абразу службовай асобы, 368 КК за абразу Лукашэнкі, 389 КК за пагрозу суддзі да двух гадоў пазбаўлення волі;
Міхаіл Лінтоўскі — асуджаны судом Мёрскага раёна Віцебскай вобласці па артыкуле 368 КК за абразу Лукашэнкі да аднаго года і шасці месяцаў пазбаўлення волі ў папраўчай калоніі.
