Праваабаронцы прызналі палітвязнямі яшчэ трох чалавек
Агульная іх колькасць павялічылася да 970. Новыя палітвязні — гэта прэс-сакратар кампаніі А1 Мікалай Брэдзелеў, аўтар мэма пра любоў да памідораў са смятанай Анатоль Шалковіч, а таксама Таццяна Батура. Яе затрымалі 15 лістапада ў Мінгарсудзе, калі яна хацела трапіць на суд над палітзняволенай Вольгай Залатар.
Праваабаронцы патрабуюць вызваліць згаданых палітвязняў, спыніць рэпрэсіі супраць іншадумцаў і ўдзельнікаў мірных сходаў, вызваліць усіх адміністрацыйна арыштаваных за рэалізацыю сваіх грамадзянскіх правоў і свабод. Таксама яны заклікаюць неадкладна вызваліць усіх палітычных зняволеных і спыніць палітычныя рэпрэсіі супраць грамадзянаў краіны.
Пад заявай падпісаліся праваабарончы цэнтр „Вясна”, Прававая ініцыятыва, Lawtrend, Беларускі Хельсінкскі Камітэт, Беларуская асацыяцыя журналістаў, Беларускі ПЭН-цэнтр, Беларускі дом правоў чалавека імя Барыса Звозскава.
