Праваабаронцы супраць смяротнага пакарання
Апублікаваны штогадовы даклад міжнароднай праваабарончай арганізацыі Amnesty International „Смяротныя прысуды і пакаранні смерцю ў 2014 годзе”. У раздзеле, прысвечаным сітуацыі ў Еўропе і Цэнтральнай Азіі, аналізуецца сітуацыя ў Беларусі, адзінай еўрапейскай краіне, дзе практыкуецца смяротнае пакаранне.
Сёлета ўжо вынесены першы смяротны прысуд – жыхару Рэчыцы Сяргею Іванову. Гэтая справа знаходзіцца на ў касацыйнага звароту ў Вярхоўны суд, кажа каардынатар кампаніі “Праваабаронцы супраць смяротнага пакарання Андрэй Палуда:
– Мы спадзяемся на тое, што могуць гэты смяротны прысуд, прынамсі, ці ўжо вынесены можа быць адменены, як тое было, напрыклад, мінулы смяротны прысуд, які быў апошні выкананы ў адносінах да Аляксандра Грунова, як раз такі ён быў адменены Вярхоўным судом. Але пасля выказвання прэзідэнта краіны справа была на пераглядзе і зноў быў вынесены смяротны прысуд. Мы пасля гэтага вельмі крытычна каментавалі гэтую сітуацыю і спадзяемся, што ў будучыні такога не будзе.
Міжнародныя праваабаронцы заклікаюць дасылаць беларускім уладам звароты з патрабаваннем неадкладна замяніць прысуд Сяргею Іванову і ўсім асуджаным да смяротнага пакарання ў Беларусі. Адрасы, па якіх трэба накіроўваць звароты, можна знайсці на сайце праваабарочнага цэнтра „Вясна”.
Яна Запольская, Беларускае Радыё Рацыя
