Прэзентацыя праекта „Крок за крокам” у Берасці
У Берасці эколагі прэзентавалі мультымедыйны праект устойлівага развіцця горада “Крок за крокам”.
Мерапрыемства зладжана таварыствам “Зялёная сетка”, удзельнікі якога разам з іншымі адмыслоўцамі працавалі над стварэннем праекта. Кажа арганізатарка Лізавета Коўцяк:
– Ён распрацаваны для недзяржаўных арганізацый, якія працуюць у сектары ўстойлівага развіцця і экалогіі. Таксама гэта вельмі добры прадукт для працы актывістаў, якія працуюць не толькі над устойлівым развіццём, але і з урбаністыкай. Таксама гэты праект падыходзіць для выкладчыкаў і настаўнікаў.
Прэзентаваны ў выглядзе кампакт-дыска, інфармацыйны камплект “Крока за крокам” налічвае 29 розных сфераў, пачынаючы ад біяразнастайнасці да працы з хімікатамі і іншым. Гэта даволі масіўны носьбіт, на якім сабрана поўная інфармацыя пра ўстойлівае развіццё, як зазначыла Лізавета Коўцяк.
Мікола Ляшкевіч, Беларускае Радыё Рацыя, Берасце
Фота greenbelarus.info
Глядзіце таксама
