П’яны гарадзенец паказваў на вакзале чэлес
30-гадовага мужчыну, які ў стане алкагольнага ап’янення дэманстраваў свае палавыя органы, затрымала ноччу 22 ліпеня на гарадзенскім чыгуначным вакзале міліцыя. Пасля двухтыднёвай праверкі ў дачыненні да мужчыны пачата крымінальная справа.
„У тую ноч мужчына быў так моцна п’яны, што забыўся пра нейкiя этычныя і маральныя ўстоі. Выказваючы відавочную непавагу да грамадства, п’яны дэманстраваў наведвальнікам чыгуначнага вакзала свае палавыя органы. Праваахоўнікі, якія заўважылі гэта правапарушэнне, затрымалі мужчыну”, — распавёў афіцыйны прадстаўнік УУС Гарадзенскага аблвыканкама Максім Базыленка.
Зараз у дачыненні да мужчыны, якія раней не прыцягваўся за эксгібіцыянізм, заведзена крымінальная справа па Ч.1 артыкула 339 КК РБ „Хуліганства”. Максімальная санкцыя артыкула прадугледжвае да трох гадоў пазбаўлення волі.
