Rada Market завітала ў Гародню
14 красавіка 2109 стала ў Гародні днём кірмашу арганізацый і ініцыятыў – пляцоўкай для абмену ідэямі і натхненнем, якое мела назву RADA MARKET. Пра RADA MARKET распавядае Кацярына Буніна з Беларускага нацыянальнага моладзеага савету „РАДА”.
– Мы збіраем моладзевыя арганізацыі Гародні і Менска для таго, каб у моладзі Гародні была магчымасць пазнаёміцца з рознымі актыўнасцямі, да якіх можна далучыцца. І якія дапамогуць развіць новыя кампетэнцыі, дзякуючы якім можна стаць лепшымі.
Беларуcкі нацыянальны моладзевы савет “РАДА” – гэта добраахвотны саюз беларускіх моладзевых арганізацый. “РАДА” была створана ў 1992 годзе і афіцыйна зарэгістравана ў 1997 годзе дзеля кансалідацыі дзейнасці моладзевых арганізацый у сферы прадстаўлення, прасоўвання і абароны іх інтарэсаў. RADA MARKET адбываўся ў Гародні ўпершыню.
Беларускае Радыё Рацыя, Гародня
