Помнік Пушкіну адмылі за ноч (абноўлена)
Помнік Аляксандру Пушкіну, які размалявалі невядомыя, ачысцілі. На гэта гарадскім службам спатрэбілася ноч, перадае агенцтва «Мінск-Навіны».
На руках манумента засталіся ледзь прыкметныя сляды ад чырвонай фарбы.
Нагадаем, дзеянні менскіх «мастакоў» пракаментавалі ў Амбасадзе Расеі ў Менску:
– Учынак людзей у адносінах да памяці паэта, чыё жыццё і творчасць былі цесна звязаныя з Беларуссю, выклікае велізарнае шкадаванне і здзіўленне, – гаворыцца ў паведамленні расейскага прадстаўніцтва.
***
Пасольства Расеі ў Беларусі выказала велізарнае шкадаванне і здзіўленне з нагоды акту вандалізму ў дачыненні да помніка Аляксандру Пушкіну ў Менску.
У пасольстве падкрэслілі, што жыццё і творчасць паэта былі цесна звязаныя з Беларуссю.
Нагадаем, невядомыя размалявалі помнік Пушкіну, які ўсталяваны ў скверы каля гасцініцы «Беларусь». Рукі помніка былі пафарбаваныя чырвоным колерам.
Беларускае Радыё Рацыя
Глядзіце таксама
