Расспажыўнагляд забараніў польскую настольную гульню
Гульня «Чарга» паказвае рэаліі жыцця ў камуінстычнай Польшчы ў 1980-х і праблемы з магчымасцю нешта набыць у крамах.
Расейская версія польскай гульні «Kolejka» зʼявілася ў леташнім лістападзе, яе адмыслова адаптавалі пад расейскі рынак. У лютым 2016 года фірма расейскі дыстрыбутар паведаміў польскага вытворцу гульні фірму «TREFL», што ў Расеі «Чарга» лічыцца… антысавецкай.
Пра гэта паведамляе на старонцы ў Facebook польскі Інстытут нацыянальнай памяці (ІНП), які ўласна і распрацаваў гульню, прадаўшы ліцэнзію на яе распаўсюд. «Антысаветчыну» заўважыў Расспажыўнагляд, які кажа, нібыта атрымлівае скаргі на гульню ад людзей.
Грамадзяне нібыта абураюцца апісаннем камуністычнай сістэмы і сцвярджэннем, што «СССР парушыў рэжым іншай краіны, грамадзянаў якой абавязалі жыць у камуністычнай сістэме».
Расспажыўнагляд запатрабаваў ўнесці ў гульню змены, інакш будуць забароненыя ўсе іншыя тавары дыстрыбутара, які супрацоўнічае са стваральнікамі «Чаргі».
ІНП на гэта не пагадзіўся, таму «Чаргі» ужо няма ў расейскіх крамах.
