Разгледжана чарговая скарга беларуса ў ААН
Камітэт па правах чалавека ААН разгледзеў чарговую справу з Беларусі. Гэта справа сябра партыі БНФ Сяргея Лазенкі. Камітэт прызнаў, што права Сяргея Лазенкі на атрыманне інфармацыі і на мірны сход было парушана.
Сяргей Лазенка быў затрыманы ў жніўні 2007 года. Затым быў прыцягнуты да адміністрацыйнай адказнасці за несанкцыянаванае масавае мерапрыемства – сход гарадской арганізацыі партыі БНФ у офісе партыі ў Берасці. З ім было затрымана яшчэ 24 чалавекі. Сярод іх быў вядомы палітык Павел Севярынец, які прэзентаваў сваю новую кнігу “Лісты з лесу”.
Кажа праваабаронца Раман Кісляк:
– Частка затрыманых пасля была прыцягнута да адміністрацыйнай адказнасці. Павел Севярынец і Андрэй Шарэнда, Сяргей Лазенка і шэраг іншых актывістаў былі пакараныя штрафам. Сяргей абскарджваў гэта ў вышэйшых інстанцыях – Берасцейскім абласным і Вярхоўным судах. Пасля атрымання адмоўных адказаў звярнуўся ў Камітэт ААН па правах чалавека.
Сяргей Лазенка як сябра партыі меў права прысутнічаць на партыйным сходзе ў памяшканні, якое партыя арэндуе на законных падставах.
Беларускае Радыё Рацыя
Фота radyjo.net
Глядзіце таксама
