Рэдактар «Эхо Москвы» адказаў Лукашэнку
Рэдактар «Эхо Москвы» Аляксей Венядзіктаў працягнуў завочную палеміку з Аляксандрам Лукашэнкам пра цану беларускага суверэнітэту.
Штуршок да абмену выказваннямі паміж Лукашэнкам і Венядзіктавым дало інтэрв’ю рэдактара «Эхо Москвы» ўкраінскаму журналісту Дзмітрыю Гардону 6 ліпеня.
«Ці ўстоіць Лукашэнка, ці не – гэта пытанне цаны. Важна, што прапануюць. Бо ў яго ёсць тавар, але дайце за яго добрую цану», – сказаў Аляксей Венядзіктаў Дзмітрыю Гардону.
Праз тры дні Лукашэнка адказаў Венядзіктаву разважаннямі пра бясцэннасць суверэнітэту і незалежнасці Беларусі.
«Няма той цаны, якую яны мне могуць заплаціць, каб я пайшоў на іхныя ўмовы, – заявіў Аляксандр Лукашэнка на сустрэчы з журналістамі дзяржаўных медый 9 ліпеня. – У труне кішэняў няма». «Суверэнітэт і незалежнасць не прадаюцца», – падсумаваў Лукашэнка. Словы Аляксандра Лукашэнкі перадаў канал АНТ.
Беларускае Радыё Рацыя
Фота: БелТА
Глядзіце таксама
