Рэканструкцыя цэнтра Пінска выклікае спрэчкі
У Пінску працягваецца чарговы этап рэканструкцыі гістарычнай часткі горада. Завяршыць яе плануюць да 920-годдзя палескай сталіцы.
Працы выклікалі абурэнне сярод многіх гараджан, а сацыяльныя сеткі выбухнулі негатыўнымі меркаваннямі.
Гісторык-краязнаўца Эдвард Злобін распавядае, што пінчукі выказваюць абурэнне з-за некалькіх чыннікаў:
– Я не разумею навошта трэба ўпарадкоўваць у двукоссях і замяняць гістарычную брукаванку на сучасны матэрыял. Горад некалі быў зялёны, а цяпер абскубаны і хутка ў цэнтры ўвогуле не застанецца дрэваў.
Улады Пінска запэўніваюць, што зялёная зона будзе адроджаная, гэта прадугледжана планам рэканструкцыі, а так званая “трылінка” 1930-х гадоў будзе выкарыстоўвацца ва ўпрыгожванні альбо дапаўненні нейкіх аб’ектаў.
Пятро Савіч, Беларускае Радыё Рацыя
