Са студзеня ў Беларусі пачнецца вакцынацыя ад каронавірусу
Ужо са студзеня ў Беларусі пачнецца кампанія па вакцынацыі ад каронавіруснай інфекцыі, паведамляе Міністэрства аховы здароўя. У планах медыкаў – за першае паўгоддзе прышчапіць да 2 мільёнаў жыхароў краіны.
Наш карэспандэнт пацікавіўся ў мінакоў на вуліцах Пінска, ці гатовыя яны прышчапіцца ад COVID-19:
– Проста не хачу ды і ўсё, не давяраю.
– Я ўжо перахварэў, проста недамаганне ў асноўным, нічога цяжкага, пакуль адчуваю сябе нармальна. Няма неабходнасці.
– Не жадаю.
– Не. Таму што шмяне ўзрост. Хтосьці давярае, хтосьці – не.
– Не буду прышчапляцца.
– Калі, канешне, насельніцтва 60% ужо зробіць, то тады можна будзе і прышчапіцца.
На тыдні ў Беларусі зарэгістравалі расейскую вакцыну „Спадарожнік V”. У Міністэрстве аховы здароўя адзначылі, што прышчэпка бяспечная і эфектыўная.
Беларускае Радыё Рацыя
Глядзіце таксама
