Салаўіная мапа ад “Аховы птушак Бацькаўшчыны”
Арнітолагі, прадстаўнікі таварыства “Ахова птушак Бацькаўшчыны” ствараюць унікальны праект-мапу, і да яе стварэння можа далучыцца кожны жыхар Беларусі.
Пачуўшы недзе салаўя, арнітолагі прапануюць адзначыць гэтае месца на карце. Такім чынам будуць падлічаныя птушкі, а таксама можна будзе даведацца, куды яшчэ можна выправіцца на прагулку, каб паслухаць спевы салаўя.
Пра мапу распавядае сябра таварыства “Ахова птушак Бацькаўшчыны” , рэдактар сайту “Птушкі штодня” Зміцер Вінчэўскі:
– Менавіта ўсходні салавей. Ёсць яшчэ заходні салавей, але ў нас ён не сустракаецца. Ён сустракаецца ў Цэнтральнай Еўропе. Гэтыя віды дазваляюць меркаваць пра стан навакольнага асяроддзя. Пра стан біятопаў – трошкі забалочаных, трошкі закустараных, якія знаходзяцца побач з намі. Калі салаўі ёсць, калі яны спяваюць побач з намі, гэта значыць, што менавіта з гэтай часткай прыроды ўсё нармальна.
200 салаўіных кропак з’явіліся па ўсёй Беларусі ў мінулым годзе. Пачуць салаўя магчыма на працягу траўня і ў пачатку чэрвеня.
Беларускае Радыё Рацыя, Гародня
