Шасцігадовы Міхаэль з Гародні знайшоўся ў Анапе
Шасцігадовы Міхаэль Якімчык сустрэўся з мамай Людмілай ранкам 10 студзеня. Напярэдадні яго знайшлі ў расейскай Анапе.
Відэа сустрэчы маці і дзіцяці з’явілася ў facebook Таццяны Мартынавай, якая дапамагала Людміле Якімчык з пошукамі.
Нагадаем, што хлопчыка, з якім бацька з’ехаў у невядомым кірунку, знайшлі праз два месяцы ў Расеі.
Вітальда Якімчыка разам з хлопчыкам, дзякуючы інфармацыі на арыентыроўках аб пошуку, пазналі мясцовыя жыхары. Яны перадалі інфармацыю ў расейскі пошукавы атрад «Надежда». Увечары 10 студзеня мама і сын плануюць выехаць у Беларусь.
5 студзеня расейская паліцыя затрымала Вітальда і ўзяла пад варту. Яго экстрадуюць у Беларусь, дзе будуць судзіць за гвалт над былой жонкай.
Фота: скрыншот з відэа
