Школа праектнага мэнэджара адкрываецца ў Берасці
У галаве шмат ідэй? Ёсць жаданне і патрэба навучыцца правільна пісаць і рэалізоўваць праекты? Тады ў нас для цябе добрая навіна! Агенцтва рэгіянальнага развіцця “Дзедзіч” запускае “Школу праектнага мэнэджара” (https://vk.com/shkola_menedjara) для актывістаў і валанцёраў грамадскіх арганізацый з Берасця і вобласці.
Хто можа прыняць удзел?
Удзельнікамі “Школы” могуць стаць студэнты 4-5 курсаў, якія з’яўляюцца валанцёрамі грамадскіх арганізацый Берасця і Берасцейскай вобласці, альбо проста ініцыятыўнымі людзьмі, якія жадаюць навучыцца распрацоўваць і рэалізоўваць уласныя праекты. Усяго навучэнцамі школы стануць 20 чалавек.
– Мы запрашаем студэнтаў 4-5 курсаў, таму што часта ў гэты момант людзі сыходзяць з грамадскай дзейнасці ў дарослае жыццё, – кажа кіраўнік “Школы праектанага мэнэджара” Дзяніс Трацюк. – Мы хочам паказаць, што можна і пасля ўніверсітэта заставацца актыўным, толькі не ў якасці валанцёра, а ўжо на новым узроўні грамадскай актыўнасці. І нават падпрацоўваць у сваёй любімай грамадскай арганізацыі – у статусе праектнага мэнэджэра, які ўмее планаваць, пісаць і рэалізоўваць ўласныя праекты.
Для таго, каб прыняць удзел, трэба запоўніць форму: https://docs.google.com/forms/d/e/1FAIpQLSdZ8lDjKyKNbi3Pqlq8PiGxAzJ9Sm6_lnM5IIjPhH0DmQlyCw/viewform. Дэдлайн падачы заявак: 18 жніўня.
Як будзе адбывацца навучанне?
Першая сустрэча ў межах “Школы” пройдзе з 24 па 29 жніўня. На ёй эксперты ў праектным мэнэджмэнце распавядуць, як правільна знайсці і сфармуляваць праблему, вызначыць зацікаўленыя бакі, дзе шукаць прыхільнікаў і партнёраў. Асобая ўвага падчас шасцідзённага інтэнсіву будзе нададзена пытанням напісання праекта, фандрэйзінгу, фармаванню каманды, планаванню дзейнасці. Таксама ўдзельнікі Школы навучацца працаваць з валанцёрамі і медыя, маніторыць і ацэньваць вынікі праекта.
Пасля першай сустрэчы кожны ўдзельнік атрымае заданне, якое будзе заключацца ў напісанні і рэалізацыі міні-праекта. 10 самых цікавых праектаў атрымаюць падтрымку.
На працягу ўсяго этапа рэалізацыі праектаў (верасень-снежань) удзельнікі Школы змогуць кансультавацца з экспертамі па праектным мэнэдмэнце.
А што пасля заканчэння “Школы”?
Пасля завяршэння “Школы”, кожны з удзельнікаў зможа прыняць удзел у конкурсе на лепшы рэалізаваны праект і пазмагацца за каштоўны прыз. Узнагароджанне пераможцаў пройдзе ў святочнай абстаноўцы, з удзелам прадстаўнікоў НДА Берасця і Беларусі.
Калі твае вочы гараць энтузіязмам, а жаданне навучыцца праектнаму мэнэджмэнту б’е праз край – запаўняй заяўку.
Па ўсім пытанням, звязанымі з “Школай”, звяртацца да Дзяніса: 8029 8010147 (Viber, WhatsApp, Telegram).
