Што думае народ пра падвышэнне пенсійнага ўзросту?
Тэма падвышэння пенсійнага ўзросту – ізноў на слыху. Што з гэтай нагоду думаюць інтэрнэт-карыстальнікі на форумах.
Аляксандр Лукашэнка на нарадзе ва ўрадзе адзначыў, што сярэдняя працягласць жыцця ў краіне павялічылася ў параўнанні з 90-мі гадамі мінулага стагоддзя.
«Таму 55-60 гадоў — гэта нармальны ўзрост, – заявіў ён. – І скажы жанчыне, што яна старая ў 55 гадоў або пенсіянерка! Слухайце, пакрыўдзіцца! А калі мы прапануем: разам ты не старая, не пенсіянерка, давай папрацуй — іншае нейкае меркаванне. Тое ж самае і пра мужыкоў можна сказаць. Яны дэманстратыўна не крыўдзяцца, але ў душы. У 60 гадоў мужык — гэта конь, на якім можна яшчэ араць і плугам не ў адзін корпус, а ў тры корпусы зачапіць і пацягне».
«Не хачу ўжо тут казаць аб нашых славутых прадстаўніках сілавых структур, якія сёння, у прынцыпе, у 45 гадоў могуць сысці на пенсію. 90% з лішнім могуць сысці ў 45 гадоў на пенсію. І што ж гэта за пенсіянер у 45 гадоў?! Думаю, будзе справядліва, калі пытанне павышэння пенсійнага ўзросту закране ўсіх», – дадаў Лукашэнка.
Вось як адрэагавалі на гэтыя словы інтэрнэт-карыстальнікі на форуме tut.by:
– Трэба, каб і на самай справе сілавікі папрацавалі ў нас пабольш. У нас жа няма вайны і служыць не даводзіцца за палярным кругам;
– І гэта правільна! Менавіта такім чынам трэба змагацца са схаваным беспрацоўем;
– Што б не зрабілі, а ўсіх задаволеных усё роўна не будзе. Але падвышэнне пенсійнага ўзросту дыктуе не толькі эканоміка, але і ўзрост, вобраз жыцця, спецыфіка працы;
– Няхай падвышэнне праходзіць, але не рэзка. І з падвышэннем узроўня пенсій;
– Што-небудзь прыдумаюць, даўно пра гэта кажуць. Народ ужо маральна падрыхтаваны;
– А як наконт таго, што большая частка мужчын проста не дажывае да пенсійнага узросту?
– Пенсійны ўзрост падвысяць, а дзе працу людзям браць? Зараз і так палова працаздольнага насельніцтва ходзіць з вугла ў вугал.
Кастусь Заблоцкі, Беларускае Радыё Рацыя
