Сінод БПЦ вызваліў з пасады архіепіскапа Арцемія
9 чэрвеня 2021 года члены Святога Сінода Рускай Праваслаўнай Царквы зацвердзілі адхіленне архіепіскапа Арцемія ад пасады.
Святы Сінод пастанавіў вызваліць архіепіскапа Гарадзенскага і Ваўкавыскага Арцемія па стане здароўя згодна з хадайніцтвам Сінода Беларускага экзархата, вызначыўшы месцам знаходжання архіепіскапу Арцемію горад Менск.
Новым епіскапам Гарадзенскім і Ваўкавыскім прызначаны Антоній (Даронін), які дагэтуль быў епіскапам Слуцкім і Салігорскім.
Часовае кіраванне Слуцкай епархіяй даручана мітрапаліту Менскаму і Заслаўскаму Веніаміну.
* * *
Сінод Беларускай праваслаўнай царквы на паседжанні 8 чэрвеня пастанавіў вызваліць з пасады архіепіскапа Гарадзенскага і Ваўкавыскага Арцемія. Пра прычыны гэтага пакуль не паведамляецца. Хто будзе замест яго на пасадзе архіепіскапа Гарадзенскага і Ваўкавыскага пакуль невядома. Афіцыйнага пацверджання таго, што архіепіскапа Арцемія вызвалілі з пасады, аднак, дагэтуль няма. Калі гэта праўдзівая інфармацыя, то такое рашэнне мусіць усё роўна быць зацверджанне ў Маскоўскім патрыярхаце. Адпаведнае паседжанне там пройдзе 17 чэрвеня.
Архіепіскап Арцемій вядомы сваімі крытычнымі выказваннямі наконт жорсткіх сілавых дзеянняў улады летам 2020 года і наступных рэпрэсій. Фактычна ён асудзіў фальсіфікацыю выбараў і гвалт з боку ўладных структур.
Значэнне ўладыкі Арцемія ў сацыяльным і рэлігійным жыцці Гарадзеншчыны нельга пераацаніць, мяркуе вернік і фундатар храму епархіі Валянцін Дубатоўка:
– Гэта вялікая трагедыя для Гарадзенскай епархіі, для гарадзенцаў, для ўсяго Панямоння. Я скажу шчыра і можа нават рэзка. Сённяшняя ўлада ні грама не зрабіла таго, што зрабіў уладыка Арцемій для праваслаўных прыхаджанаў Гарадзеншчыны. Веніаміну павінна быць брыдка, ён даў нам слова, што не кране Арцемія.
У епархіяльным упраўленні, гэтую інфармацыю не даюць, на сайце экзархату – таксама, таму яна не пацверджана. Згодна з правіламі, адстаўку ўладыкі ў Маскоўскім патрыярхаце падпісвае не экзарх Беларускіх епархій, а патрыярх. З Масквы вестак таксама, пакуль не паступіла.
Архіепіскап Гарадзенскі і Ваўкавыскі Арцемій (у свеце Аляксандар Анатолевіч Кішчанка) нарадзіўся 25 красавіка 1952 г. у г. Менску. Па заканчэнні сярэдняй школы ў 1969 г. паступіў у Беларускі інстытут механізацыі і электрыфікацыі сельскай гаспадаркі, скончыў 3 курсу. Пасля службы ў шэрагах Савецкай Арміі (1975-1976) быў паслушнікам Пскова-Пячэрскага манастыра. У 1976 г. паступіў у Ленінградскую духоўную семінарыю.
8 кастрычніка 1978 г. у храме святога апостала і евангеліста Іаана Багаслова Ленінградскай духоўнай акадэміі Высокапраасвяшчэннейшым Кірылам, архіепіскапам Выбаргскім, рэктарам Ленінградскага духоўных акадэміі і семінарыі пастрыжаны ў чытальніка.
У 1979 г. залічаны ў Ленінградскую духоўную акадэмію.
7 лютага 1982 г. рэзалюцыяй мітрапаліта Ленінградскага і Наўгародскага Антонія (Мельнікава) прызначаны псаломшчыкам Успенскай царквы г. Алонец Карэльскай АССР.
21 лютага 1982 г. мітрапалітам Ленінградскім і Наўгародскім Антоніем пасвечаны ў дыяканы ў стане цэлібату і прызначаны на служэнне ў Успенскай царквы г. Олонце Карэльскай АССР.
28 верасня 1982 г. старшынёй Вучэбнага камітэта пры Святым Сінодзе Мітрапалітам Талінскім і Эстонскім Алексіем накіраваны ў распараджэнне Высокапраасвяшчэннейшага Філарэта, Мітрапаліта Менскага і Беларускага, Патрыяршага Экзарха Заходняй Еўропы, для праходжання царкоўна-парафіяльнага служэння.
1 кастрычніка 1982 г. указам Высокапраасвяшчэннейшага Філарэта, Мітрапаліта Менскага і Беларускага, Патрыяршага Экзарха Заходняй Еўропы, прыняты ў клір Менска-Беларускай епархіі і прызначаны на пасаду дыякана Свята-Аляксандра-Неўскай царквы г. Менска.
24 сакавіка 1984 г. Высокапраасвяшчэннейшым Мітрапалітам Менскім і Беларускім Філарэтам, Патрыяршым Экзархам Заходняй Еўропы, пасвячаны ў ярэя і прызначаны на пасаду святара Свята-Аляксандра-Неўскай царквы г. Менска.
18 красавіка 1993 г. Высокапраасвяшчэннейшым Мітрапалітам Менскім і Слуцкім, Патрыяршым Экзархам усяе Беларусі Філарэтам узведзены ў сан протаіерэя.
Пастырскія работы сумяшчаў з выкладчыцкай дзейнасцю: чытаў курс асноў праваслаўя на факультэце тэалогіі Еўрапейскага гуманітарнага ўніверсітэта г. Менска, нёс паслушэнства па арганізацыі працы нядзельнай школы пры храме, папячыцельству над інтэрнатам састарэлых і інвалідаў.
3 студзеня 1996 г. Высокапраасвяшчэннейшы Мітрапалітам Філарэтам у Свята-Успенскім Жыровіцкім манастыры пастрыжаны ў манаства з імем у гонар Арцемія, велікамучаніка Антыёхійскага.
8 студзеня 1996 г. узведзены ў сан архімандрыта.
4 лютага 1996 г. у Свята-Духавым кафедральным саборы г. Менска Мітрапалітам Менскім і Слуцкім, Патрыяршым Экзархам усяе Беларусі Філарэтам у саслужэнні членаў Сінода Беларускай Праваслаўнай Царквы высвечаны ў епіскапа Гарадзенскага і Ваўкавыскага.
З 1997 па 1998 гг. біскуп Арцемій з’яўляўся старшынём рады Цэнтра праваслаўнай асветы ў імя прападобнай Еўфрасінні Полацкай. Япіскап Гарадзенскі і Ваўкавыскі Арцемій з’яўляецца старшынём Аб’яднання моладзі Беларускай Праваслаўнай Царквы. У адпаведнасці з пасадай курыруе праваслаўны моладзевы рух у Беларусі. Аб’яднанне моладзі Беларускай Праваслаўнай Царквы і яго старшыня ў 2004 годзе сталі лаўрэатамі прэміі III Фестывалю праваслаўнай моладзі «здабытае пакаленне», які прайшоў з 5 па 6 верасня 2004 у Маскве.
9 верасня 2004 г. пастановай рады Менскай духоўнай акадэміі імя свяціцеля Кірылы Тураўскага епіскапу Арцемію прысвоена вучоная ступень кандыдата багаслоўя за дысертацыю на тэму «Уводзіны ў праваслаўнае багаслоўе».
У 2006 годзе паступіў у Хрысціянскую тэалагічную акадэмію г. Варшавы (Рэспубліка Польшча). Па заканчэнні курса ў 2007 годзе пастановай рады акадэміі ўладыку Арцемію прысвоена ступень магістра багаслоўя за дысертацыю на тэму: „Праблемы выкладання прадмета” Катэхізіс „у краінах былога Савецкага Саюза».
8 ліпеня 2012 г. узведзены ў сан архіяпіскапа.
21 лютага 2013 г. у Варшаўскай хрысціянскай тэалагічнай акадэміі (Польшча) абараніў дысертацыю на атрыманне вучонай ступені доктара тэалогіі на тэму „Гісторыя Гродзенскай праваслаўнай епархіі ў 1921-1939 гадах».
Архіяпіскап Гарадзенскі і Ваўкавыскі Арцемій з’яўляецца дацэнтам кафедры біблеістыкі і хрысціянскага веравучэння Інстытута тэалогіі Беларускага дзяржаўнага ўніверсітэта (правапераемнік факультэта тэалогіі ЕГУ).
Беларускае Радыё Рацыя
