Скарга праціўніка завода АКБ разгледжана фармальна
У Берасцейскім абласным судзе разгледжана скарга праціўніка будаўніцтва акумулятарнага завода Канстанціна Астапука.
У час акцыі пратэсту супраць будаўніцтва акумулятарнага завода 30 верасня ў Берасці Астапука затрымалі супрацоўнікі міліцыі, абвінавацілі ў непадпарадкаванні супрацоўнікам міліцыі Астапука і даставілі ў Ленінскі РАУС Берасця.
Падчас затрымання Астапуку стала кепска. І таму была выкліканая „хуткая”. Тым не меней, актывіст правёў 4 дні ў ІЧУ, а затым 4 кастрычніка суддзя Святаслаў Каліна аштрафаваў Астапука на 14 базавых велічынь.
Па інфармацыі праваабаронцы Уладзіміра Вялічкіна, пры разглядзе скаргі ў абласным судзе 13 снежня Астапук хадайнічаў, каб суд запатрабаваў вынікі судова-медычнай экспертызы са шпіталя, паколькі да яго прымянялася фізічнае ўздзеянне з боку міліцыянтаў.
Суддзя Аляксандр Саўчук адхіліў хадайніцтва.
Канстанцін Астапук заявіў, што да яго не дапускалі адваката, здзекаваліся з яго ў РАУСе. Пры разглядзе справы ў судзе Леніскага раёна не былі прагледжаныя запісы з відэарэгістратараў супрацоўнікаў міліцыі, якія яго затрымлівалі, не былі дапытаныя сведкі з ягонага боку.
Суд прыняў рашэнне пакінуць пастанову суда ад 4 кастрычніка без зменаў, а скаргу Астапука без задавальнення.
Паводле spring96.org
Глядзіце таксама
