Скаргі часам дапамагаюць?
У Пінску праваабаронца Алесь Рамановіч атрымаў ад міліцыі адказ на скаргу, якую яшчэ на пачатку сакавіка падаў у пракуратуру. Ён прасіў разабрацца ў тым, чаго міліцыянты адмовіліся прымаць ад яго перадачу для пінчукоў, якіх кінулі на 15 сутак у ізалятар за ўдзел у акцыі “Не вайне!”.
Адказ пракаментаваў праваабаронца:
– Адказ быў ужо з ГАУСА, і там было напісана, што яны мне адмовілі на падставе таго, што я не запоўніў гэту заяву, дзе ўказваецца каму адпраўляецца перадача і пералік, што ў ёй знаходзіцца. Гэта поўнае трызненне, таму што мяне проста не дапусцілі да таго кабінета, дзе гэтая заява пішацца.
Алесь Рамановіч дадае, што галоўнае ў гэтай гісторыі іншае. Як толькі ён падаў скаргу ў пракуратуру, то ўжо на наступны дзень перадачы для арыштаваных пінчукоў пачалі прымаць.
Беларускае Радыё Рацыя
