Слонім паціху становіцца беларускамоўным
У Слоніме актыўна ідзе падрыхтоўка да Дня беларускага пісьменства і друку. Засталося да свята тры тыдні. За гэты час у горадзе над Шчарай упарадкоўваецца цэнтр горада, набярэжная канала Агінскага, вуліцы Оперная, Чырвонаармейская, Першамайская і іншыя.
На плошчы Леніна ўжо з’явіўся пастамент для помніка Льву Сапегу.
Горад прыгожа аздабляюць беларускамоўнымі графіці і банерамі. Дарэчы, графіці “Слонім. Тэатр М.К. Агінскага” перапісалі па-беларуску. Праўда, унізе графіці напісалі ўсё ж і па-расейску, як быццам ніхто не зможа перакласці тры словы: Слонім, тэатр Агінскага…
За дваццаць жнівеньскіх дзён Слонім яшчэ больш папрыгажэе і шчыра сустрэне ўсіх жадаючых на рэспубліканскім свяце пісьменства 1 верасня.
Барыс Баль, Беларускае Радыё Рацыя, Слонім Фота аўтра
