Слонімцаў выклікаюць у міліцыю
Сяброў Слонімскага згуртавання дэмакратычных сілаў выклікаюць у Слонімскі РАУС. Позвы ў міліцыю атрымалі Алесь Масюк, Віктар Марчык, Міхась Сашко.
Алесь Масюк
Віктар Марчык
Міхась Сашко
Ім неабходна ў панядзелак, 19 ліпеня, з’явіцца да маёра міліцыі Мацкевіча. Усіх разам маёр Мацкевіч не збірае, а кожны слонімец павінен з’явіцца ў міліцыю на вызначаны час. На пытанне, чаму хлопцаў выклікаюць у міліцыю, маёр Мацкевіч нічога канкрэтна не сказаў, а толькі адзначыў, што выклікаюць для прафілактычнай гутаркі. Дарэчы, позвы атрымалі яшчэ каля дзесяці слонімцаў да розных міліцыянтаў. Найперш выклікаюць тых, хто летась праходзіў па артыкуле 23.34 КоАП Рэспублікі Беларусь.
Адна з позваў
Людзі тэлефануюць у Слонімскі РАУС і пытаюцца, навошта іх выклікаюць у РАУС, але супрацоўнікі міліцыі кожнаму адказваюць па-рознаму . Адным кажуць для гутаркі, іншым – “пальцы адкатаць”.
Беларускае Радыё Рацыя
