Спецвыпуск „Народнай Волі” раздавалі ў Гародні
26 лістапада гарадзенскія праваабаронцы „Вясны” Віктар Сазонаў, Андрэй Коця, Уладзімір Хільмановіч, да якіх далучыўся мясцовы прадстаўнік БХК Раман Юргель, раздалі ў Гародні, пераважна на галоўным гарадскім, так званым Скідзельскім рынку, спецвыпуск газеты „Народная Воля”.
Гэты нумар прысвечаны пераважна вынікам мінулых выбараў, якія адбыліся нядаўна. У ім змяшчаюцца ацэнкі праваабаронцаў выбарчага працэсу, прыведзены галоўныя лічбы незалежнага назірання, якія выразна паказваюць недэмакратычнасць і непразрыстасць галасавання і падліку галасоў.
Як звычайна, людзі ахвотна бралі спецвыпуск незалежнай газеты і дзякавалі праваабаронцам.
Глядзіце таксама
