Справа журналіста Алега Груздзіловіча перададзена ў суд
Справа палітвязня журналіста «Радыё Свабода» Алега Груздзіловіча перададзена ў суд, паведамляюць праваабаронцы.
Дата пачатку працэсу невядомая. Яму прад’яўлены абвінавачанні ва ўдзеле ў несанкцыянаванай акцыі пасля пазбаўлення яго акрэдытацыі МЗС.
Першы раз Груздзіловіча затрымалі ў ліпені і вызвалілі праз 10 дзён пад падпіску аб яўцы. Ён з’яўляўся падазраваным па артыкуле 342 КК РБ («Арганізацыя і падрыхтоўка дзеянняў, якія груба парушаюць грамадскі парадак»). Паўторна яго затрымалі 23 снежня і змясцілі ў СІЗА на Валадарскага.
