Стала вядома, калі будуць судзіць „акумулятаршчыкаў”
Адміністрацыйныя справы ў дачыненні да прадстаўнікоў ініцыятыўнай групы праціўнікаў акумулятарнага завода «АйПаўэр» разгледзяць у судзе Ленінскага раёна Берасця. Усіх траіх затрыманых перад выходнымі актывістаў – Дзмітрыя Бекалюка, Аляксандра Кабанава і Дзмітрыя Андрасюка– вінавацяць у «Парушэнні парадку арганізацыі ці правядзення масавых мерапрыемстваў».
Кажа праваабаронца Уладзімір Вялічкін:
– Нашыя ўлады робяць усё, каб утаймаваць стыхійны рух супраць будовы акумулятарнага завода, які, як лічаць грамадзяне, нясе вялікую пагрозу здароўю амаль 1.5 мільённаму насельніцтву вобласці.
Усе трое актывістаў прымалі ўдзел у акцыі праціўнікаў акумулятарнага завода і шэсці, што адбыліся 12 красавіка ў Берасці. Пачатак разгляду адміністрацыйных справаў у дачыненні анансаваны на панядзелак, 20 красавіка, у 14:30.
Беларускае Радыё Рацыя
Глядзіце таксама
