1. РАЦЫЯ
2. Грамадства
3. Старшынём МАБ стаў Алесь Суша

Старшынём МАБ стаў Алесь Суша

Старшынём Міжнароднай асацыяцыі беларусістаў (МАБ) аднагалосна абраны намеснік дырэктара па навуковай працы і выдавецкай дзейнасці Нацыянальнай бібліятэкі Беларусі кандыдат культуралёгіі Алесь Суша.

Такое рашэнне прынялі 29 траўня ў Менску дэлегаты VI Міжнароднага кангрэсу беларусістаў.

Звяртаючыся да дэлегатаў форуму, Суша адзначыў, што яшчэ нядаўна меў намер адмовіцца ад магчымасці ўзначаліць МАБ, аднак цяпер «гатовы пераняць гэтую адказную працу».

Ён з упэўненасцю заявіў, што «на працягу наступных пяці гадоў асацыяцыі трэба будзе мяняцца».

Новы кіраўнік Асацыяцыі беларусістаў адзначыў, што менавіта МАБ павінна стаць ініцыятарам правядзення шматлікіх значных праектаў.

На гэтай пасадзе Суша змяніў ранейшага кіраўніка асацыяцыі — акадэміка Нацыянальнай акадэміі навук Беларусі гісторыка Міхаіла Касьцюка.

Беларускае Радыё Рацыя

Глядзіце таксама

Беларусь мае тры гады на рэфармаванне вышэйшай адукацыі

У Бельскім ліцэі прайшла алімпіяда па беларускай мове

У Гародні адбыўся турыстычны фестываль „Самаход”

У Бібліятэцы Варшаўскага ўніверсітэта адбылася “Сустрэча з беларускай культурай”