Стас Барэцкі спаліў свой BMW
Пецярбургскі спявак Стас Барэцкі спаліў свой BMW.
Былы ўдзельнік „Ленінграда” прыехаў на чорнай іншамарцы ў жылы квартал на Кастрычніцкай набярэжнай і абліў машыну бензінам з дзесяцілітровай каністры.
Падпалены BMW прыцягнуў увагу мясцовых жыхароў. Яны выклікалі пажарных. Пасля іх працы ад машыны застаўся толькі каркас.
Як паведаміў „Фантанцы” Барэцкі, ён зладзіў акцыю ў падтрымку айчыннага вытворцы.
„Санкцыямі нас не спалохаеш, мы ўсё самі можам зрабіць”, – растлумачыў ён.
Барэцкі ацаніў свой BMW 520, выпушчаны ў 1998 годзе, у 350 тыс. расейскіх рублёў.
[youtube id=”tKNAJ3UP_A4″]
Нагадаем, у жніўні 2015 эпатажны шоўмен дэманстратыўна разбіў iPhone, патлумачыўшы ўчынак тымі ж матывамі.
