Суд не адмяніў вымову, якую абскарджвала медсястра
Суд Баранавіцкага раёна не адмяніў вымову, якую абскарджвала медсястра агульнай практыкі паліклінікі №3 у Баранавічах Наталля Каролік.
Наталля Каролік атрымала вымову за парушэнне этыкі ў адносінах да кіраўніцтва, а таксама за маску на твары, якая не прыкрывала органаў дыхання. Але сябра праваабарончага цэнтра Вясна Аляксандр Вайцешык лічыць прычыну пакарання Каролік у іншым.
Медсястра стала патрабаваць аднаразовыя маскі, а не марлевыя непрыглядныя шматразовыя. Выказала незадаволенасць малой аплатай за працу з ковіднымі хворымі. Таксама агучыла праблемы ў сітуацыі з каронавірусам, кажа праваабаронца:
– Мяне не ўпэўнілі довады медычных супрацоўнікаў, якія казалі, што яны цалкам забяспечаныя сродкамі індывідуальнай бяспекі.
– Я суд прайграла, бо ўсё добра адрэпетавана. Хто можа і хоча гаварыць падабралі добра.
Паводле Уладзіміра Малея, начальніку ўсё можна. Таму скаргі Каролік на неэтычныя паводзіны яе кіраўніка да яе пацверджання не знайшлі, хаця факт не гуманных і неэтычных паводзін у яе адрас зафіксаваны на аўдыязапісу.
Беларускае Радыё Рацыя
