Суд не задаволіў скаргу бярозаўскіх грамадскіх актывістаў
Суд Бярозаўскага раёна не задаволіў скаргу бярозаўскіх праваабаронцаў і грамадскіх актывістаў. Яны прасілі прызнаць адмову раённых уладаў у пікеце 25-га жніўня – неправамоцнай.
Па-першае, заяўнікі не мелі дамовы з міліцыяй на ахову мерапрыемства менавіта з-за вертыкальшчыкаў. Па-другое, чыноўнікі падманулі, што месца пікету занятае з-за правядзення іншага мерапрыемства. Аднак на гэтыя довады суд не звяртаў увагі – кажа праваабаронца Сяржук Русецкі:
– Прадстаўнік Бярозаўскага райвыканкаму, загадчык юрыдычнага сектара спадар Каштальян, па-ранейшаму прытрымліваецца меркавання, што ў пастанове Савета Міністраў не ўказана, што згодна з ёй трэба прапанаваць змяненне рашэння райвыканкама.
Таццяна Тарасевіч:
– Ніжэйшыя органы ўлады не ўспрымаюць пастановы вышэйшых, проста лічаць гэта непатрэбным, бо знайшлі сістэму, як дзейнічаць у сваіх інтарэсах, каб не даць магчымасць людзям правесці мерапрыемствы.
Міліцыя не заключае дамовы на абслугоўванне пікета паводле пастановы Савета Міністраў № 207, дзе сказана, што дамаўляцца з міліцыяй павінен сам раённы выканкам пасля падачы заяўкі на мерапрыемства. Аднак выканкам карыстаецца сваім ранейшым рашэннем, паводле якога дамову трэба падаваць разам з заяўкай на пікет.
Беларускае Радыё Рацыя, Бяроза
Глядзіце таксама
