Суд вынес папярэджанне за збор подпісаў супраць Дэкрэта №3
За збор подпісаў супраць Дэкрэта №3 актывіст прафсаюза радыёэлектроннай прамысловасці ў Берасці Аляксандр Сахарук атрымаў папярэджанне. Суддзя суда Маскоўскага раёна Руслана Сенько ўбачыла ў зборы подпісаў арганізацыю і правядзенне несанкцыянаванага мерапрыемства. Нягледзячы на даволі мяккае судовае рашэнне, Сахарук лічыць яго незаконным:
— Пікетавання не праводзіў, закону не парушаў. Грамадзяне падпісваліся за дамен Дэкрэта №3. Маёй мэтай было сабраць подпісы.
Прысутныя ў судзе адзінадушна асудзілі судовае рашэнне:
Праваабаронца Уладзімір Малей:
— Ганьба судовай сістэме Берасця. Факта правядзення пікетавання няма, кваліфікацыя, пададзеная ні палкоўнікам Старыкевічам ані суддзёй суда Маскоўскага раёна не адпавядае законам Рэспублікі Беларусь.
Жанчына:
— Рашэнне мяккае, але незаконнае.
Аляксандр Мех, Кобрынь:
— Улада паказала, што не збіраецца адмяняць Дэкрэт №3.
Аляксандр Сахарук будзе абскарджваць гэтае рашэнне суда Маскоўскага раёна Берасця.
Поўны матэрыял слухайце ў далучаным аўдыёфайле:
Беларускае Радыё Рацыя, Берасце
