Святлана Ціханоўская сустрэлася з беларускай дыяспарай у ЗША

Каля 400 беларусаў і прадстаўнікоў іншых дыяспараў сабралася на Плошчы Свабоды ў амерыканскай сталіцы, каб прывітаць Святлану Ціханоўскую. Менавіта сустрэчай з беларусамі пачынаецца афіцыйны візіт Ціханоўскай у ЗША.

 

 

Сустрэча пачалася з чытання прывітання Старшыні Рады БНР Івонкі Сурвілы. З прамовамі таксама выступілі прадстаўнікі сяброўскіх дыяспар, і прадстаўнік Amnesty International USA і сябра Управы Вашынгтонскага аддзела Беларуска-Амэрыканскага Задзіночаньня (БАЗА) Алеся Сёмуха.

 

“Злучаныя Штаты мусяць падтрымаць народ Беларусі ў дасягненні незалежнай, вольнай і дэмакратычнай Беларусі. Тыран мусіць сыйсці і прадстаць перад крымінальным судом. Расею трэба трымаць адказнай”, – заявіла Сёмуха.