Святлана Ярашэвіч: „Жыць у Беларусі стала практычна немажліва”
Па гуманітарных візах усё большая колькасць беларусаў пераязджае ў Польшчу. Бліжэйшым часам, пакуль пануе дзеючы палітычны рэжым, яны не плануюць вяртацца на радзіму. Пра тое, як выглядае такое візавае пытанне, распавяла беларуска Святлана Ярашэвіч:
– 22 красавіка мы прыляцелі на самалёце з маім маладым чалавекам у Варшаву. Што нас падштурхнула да такога рашэння? Мы ўжо даўно думалі пра пераезд. Зразумела што зараз такая сітуацыя ў краіне, што жыць там стала практычна немажліва. Калі мы ўжо перехалі, мы даведаліся, што на майго маладога чалавека завялі крымінальную справу.
Святлана Ярашэвіч не бачыць для сябе бяспечным вяртанне ў Беларусь бліжэйшым часам. Хоць асабіста на яе яшчэ пакуль не заведзеная крымінальная справа, але невядома, што яе будзе чакаць на мяжы.
Беларускае Радыё Рацыя
