Сяржук Русецкі: Адраджэнне мовы – цяжкі і доўгі шлях
Для беларускага насельніцтва Міжнародны дзень роднай мовы – гэта вельмі важны і актуальны дзень. Наша мова – адна з найбольш старажытных сярод усіх славянскіх. Але находзіцца пад пагрозай знікнення.
Да роднай мовы патрэбна вяртацца і вярнуць статус адзінай дзяржаўнай мовы, кажа праваабаронца з Бярозы Сяржук Русецкі:
– Зразумела, што трэба вяртаць. Наколькі яна можа стаць адзінай дзяржаўнай? На маю думку, для гэтага патрэбны пэўны час. Адраджэнне мовы для нас вельмі цяжкі і доўгі шлях.
Але не ўсе з бярозаўчан падзяляюць гэтую думку. Яны лічаць, што павінен быць выбар:
– Мусіць быць свая мова, беларуская. Таму што гэта мая родная мова. Але няхай будзе і расейская. Мне нязручна размаўляць па-беларуску. Мне нязручна пытацца па-беларуску. Мне зручней па-расейску. У сям’і так было.
– Мяне задавальняюць дзве мовы. Каб цалкам вярнулі беларускую мову, не бачу неабходнасці.
Кожны народ 21 лютага адзначае Дзень роднай мовы. Першапачаткова з такой ініцыятывай выступіў Бангладэш. Менавіта ў гэтай краіне 21 лютага 1957 года загінулі пяць студэнтаў, якія адстойвалі права навучацца на роднай мове.
Беларускае Радыё Рацыя
Цалкам матэрыял слухайце ў далучаным гукавым файле.
Глядзіце таксама
