Сына палітзняволенай Канеўскай асудзілі на 15 сутак за маску «Сумленныя людзі»
Адміністрацыйны арышт ён адбывае ў ІЧУ Гомеля.
Аляксей Канеўскі, сын палітзняволенай Таццяны Канеўскай, быў затрыманы 8 лістапада ў будынку суда, куды яго выклікалі ў якасці сведкі, піша «Новы час».
Прычынай затрымання стала антывірусная маска з надпісам «Сумленныя людзі».
Аляксея асудзілі да 15 сутак арышту за «несанкцыянаванае пікетаванне». Адміністрацыйны арышт ён адбывае ў ІЧУ Гомеля.
Маці хлопца асудзілі да 6 гадоў калоніі, а старэйшага брата Дзмітрыя — да 3 гадоў калоніі.
