Таксісты з „Ніка-таксі” не выключаюць пратэстных акцый
Супрацоўнікі транспартнай інспекцыі Ваўкавыска пачалі працэдуру складання пратаколаў аб здзяйсненні правапарушэнняў супраць кіроўцаў фірмы „Ніка-таксі”. Іх абвінавачваюць у перапрацоўцы акрэсленага заканадаўствам часу. У выпадку станоўчага разгляду пытання, кожны з таксістаў атрымае штраф у памеры 900 тысяч рублёў. Заснавальнік фірмы і былы палітвязень Мікалай Аўтуховіч лічыць, што такім чынам дзяржава спрабуе зарабіць і палепшыць сваё фінансава-эканамічнае становішча:
– Я разумею, калі эканоміка стаіць, не працуе, дзяржаве патрэбныя грошы. Гэта менавіта штрафы, канфіскацыя – усё, чым папаўняецца сёння бюджэт. Разумею, што трэба плаціць, каб папоўніць, але ж нельга забіраць у людзей апошняе.
Сярэдні заробак ваўкавыскіх таксістаў не перавышае два з паловай мільёна беларускіх рублёў. Кіроўцы выказваюць свой пратэст на дзеянні супрацоўнікаў транспартнай інспекцыі і не выключаюць правядзення пратэстных акцый у выпадку атрымання буйных штрафаў.
Беларускае Радыё Рацыя
Глядзіце таксама
