Талака па захаванні могілкаў у Пінску
У Пінску праходзіць тыднёвая талака па захаванні старажытных гарадскіх могілкаў, на якіх знайшлі адвечны спачын дзеячы Беларусі, Польшчы і Літвы.
Комплексу 200 гадоў. За гэты час захаваліся рэшткі былой велічы, але яшчэ адчуваецца маштаб мемарыялу. Рэгулярныя акцыі вандалізму вымусілі супрацоўнікаў Нацыянальнага гістарычнага музея правесці акцыю па ўпарадкаванні. Супрацоўнік нацмузея, адзін з арганізатараў талакі Андрэй Калавур распавёў пра планы акцыі:
– Прыбраць тэрыторыю могілкаў, пачаць пракладваць дарожку. Гэта праграма мінімум. Праграма максімум – апісаць усе пахаванні, правесці фотафіксацыю і пастарацца ўсталяваць стэнд. Больш увагі будзе нададзена тым магілам, які зараслі, знаходзяцца ў горшым стане.
Перад Другой сусветнай вайной на каталіцкай частцы могілак было звыш 4 тысяч пахаванняў, па стане на 1997 год – звыш 500 надмагілляў, а цяпер лічба вагаецца ў межах 200-300 пахаванняў. Усё гэта вынік вандалізму – як бытавога, так і ідэйнага.
Пятро Савіч, Беларускае Радыё Рацыя, Пінск
Фота аўтара
Глядзіце таксама
