“Тата, твой выхад”
“Тата, твой выхад” – форум бацькоў пад такой назвай упершыню прайшоў у Глыбокім. У ім прынялі ўдзел таленавітыя бацькі розных прафесій і статусу. На цэнтральнай плошчы горада кожны з іх прадставіў сваю намінацыю ў вуснай і творчай форме, а таксама пазнаёміў гледачоў са сваёй сям’ёй.
Мерапрыемства было прымеркаванае да Міжнароднага дня татаў, які адзначаецца 19 чэрвеня, але ў Беларусі афіцыйна не святкуецца.
Як выказаліся наведвальнікі мерапрыемства, такіх сямейных і сяброўскіх святаў трэба праводзіць больш, але і анансаваць іх трэба належным чынам, каб шмат людзей наведвала іх.
– Нам вельмі спадабалася. Хацелася б, каб часцей праводзіліся розныя мерапрыемствы.
– Мы выпадкова патрапілі на свята. Не ведалі, што штосьці такое будзе. Проста прыехалі ў горад адпачыць. Хацелася б, канешне, загадзя пра такія мерапрыемствы ведаць. Але рады, што такія святы ёсць. Менавіта сямейныя, сяброўскія. Вельмі прыемна.
– Добрае свята. Можна, у прынцыпе, штогод рабіць.
– Падабаецца. Трэба паважаць мужчын – абаронцаў Айчыны.
Падчас свята на плошчы працавала некалькі пляцовак, звязаных з мужчынскімі прафесіямі. На пляцоўцы Раённага аддзела па надзвычайных сітуацыях дэманстравалі форму, тэхніку, праводзілі займальныя конкурсы. На пляцоўцы Цэнтра дапрызыўнай падрыхтоўкі ўсе жадаючыя маглі разабраць і сабраць аўтамат Калашнікава. А пляцоўкі ДАІ, ДТСААФ (Добраахвотнае таварыства садзейнічання арміі, авіяцыі і флоту) арганізавалі выставу аўтамабіляў, у якой прынялі ўдзел і мясцовыя байкеры.
[Not a valid template]
Таццяна Смоткіна, Беларускае Радыё Рацыя, Глыбокае
Фота аўтаркі
Глядзіце таксама
